Førsteamanuensis/ førstelektor/ høgskulelektor innan allmennsjukepleie

Ved Høgskulen på Vestlandet (HVL) er det ledig inntil to faste stillingar i 100 % som førsteamanuensis/førstelektor/høgskulelektor innan allmennsjukepleie og sjukepleie ved Fakultet for helse- og sosialvitskap campus Førde. Stillingane er i hovudsak knytt til master i avansert klinisk allmennsjukepleie og bachelor i sjukepleie. Det kan vere aktuelt med lågare stillingsprosent for å kombinere stilling mellom Høgskulen på Vestlandet og klinisk praksisfelt.
Arbeidsstad er campus Førde, men noko reise må påreknast. Det blir forventa at den som blir tilsett, bidreg i pedagogisk arbeid og i forskings- og utviklingsarbeid på tvers av instituttet sine studietilbod og campus. 
Ansvars- og arbeidsområde: Undervising, rettleiing og forsking knytt til master i avansert klinisk allmennsjukepleie og bachelor i sjukepleie 
Rettleiing av studentar, praksisoppfølging , vurdering og sensurarbeid 
Forskings- og utviklingsarbeid med relevans for institutt for helse- og omsorgsvitskap
Institusjonsbyggande arbeid; koordinering av studiar, emneansvar og internasjonaliseringsarbeid
Kvalifikasjonar: Kriteria for tilsetjing i stilling som førsteamanuensis/førstelektor går fram av  Forskrift til universitets- og høyskoleloven 
Formell utdanning og kompetanse:
Norsk autorisasjon som sjukepleiar
Relevant mastergrad, fortrinnsvis master i avansert klinisk allmennsjukepleie. For tilsetjing som førsteamanuensis er kravet avlagt ph.d.-grad og for førstelektor dokumentasjon på førstelektorkompetanse innan fagområdet sjukepleie.
Relevant klinisk erfaring og praksisnær kompetanse
Utdanningsfagleg kompetanse er eit krav for stillinga
God munnleg og skriftleg framstillingsevne på norsk eller anna skandinavisk språk og på engelsk
God IKT-kompetanse
Ønska kvalifikasjonar:  
Erfaring med simulering, studentaktive og digitale undervisingsformer 
Erfaring med internasjonalt samarbeid og/eller arbeidserfaring
Erfaring med utvikling av forskings- og utviklingsprosjekt 
Fortrinnsvis karakteren A eller B på masteroppgave
Personlege eigenskapar:
Sjølvstendig og ansvarleg 
Positiv innstilling og god evne til å samarbeide med både studentar og kollegaer
Fleksibel og løysingsorientert 
Evne til å byggje nettverk, både regionalt, nasjonalt og internasjonalt
God evne til formidling 
Engasjement og interesse for fagleg og vitskapleg utvikling
Utdanningsfagleg kompetanse: Utdanningsfagleg kompetanse dokumenterast med ei pedagogisk mappe og ein pedagogisk CV i tråd med   Kvalifikasjonskrav til utdanningsfaglig basiskompetanse for ansettelse, opprykk og overgang ved HVL - Høgskulen på Vestlandet.  
Søkjarar som ved tilsetjing ikkje fyller krava, må fylle dei innan to år.

Språkkrav:
Undervisningsspråket er norsk og søkarar må meistre norsk eller eit anna skandinavisk språk godt munnleg og skriftleg.  
Korleis søke på stillinga? Send søknad og CV ved å klikke på knappen merka ”Søk stillinga” på denne sida.
Vi gjer merksam på at søknaden blir vurdert ut frå den informasjonen som ved søknadsfristen er lagt inn i www.jobbnorge.no. Det er søkjaren sitt ansvar å sørgje for at alle relevante vedlegg er lagt inn innan fristen, irekna:
vitskapleg arbeid (inntil 15 stk)
fullstendig publikasjonsliste
attestar og vitnemål
dokumentasjon på utdanningsfagleg kompetanse. Utdanningsfagleg kompetanse dokumenterast med ei pedagogisk mappe og ein pedagogisk CV i tråd med Kvalifikasjonskrav til utdanningsfaglig basiskompetanse for ansettelse, opprykk og overgang ved HVL - Høgskulen på Vestlandet . 
Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkjaren sjølv laste opp attesterte omsetjingar. Om vedlegga er større enn 50 MB må dei komprimerast før opplasting, eller leggjast ved som lenkje. 
Søkjarar med utanlandsk utdanning må i tillegg dokumentere at utdanninga samsvarar med norsk bachelor-, master-eller ph.d.-grad.   Sjå www.hkdir.no for meir informasjon om vurdering av høgare utdanning. 
HK-dir tilbyr automatisk godkjenning for enkelte gradar frå utvalde land. Dersom utdanninga til søkjaren er dekka av ordninga med automatisk godkjenning, vil det vera tilstrekkeleg å leggje ved dokumentasjon på dette.  Du kan lese meir om ordninga med automatisk godkjenning her.
Vi gjer merksam på at søknad om vurdering gjennom den ordinære godkjenningsordninga til HK-dir kan ta tid. Du bør difor sende søknad om godkjenning så raskt som mogeleg når du veit at du vil søkje på stillinga.  Dersom du ikkje har fått svar frå HK-dir innan søknadsfristen, legg du ved dokumentasjon frå HK-dir om at dei har motteke søknaden din. 
Søknadane blir sendt elektronisk til eit sakkunnig utval. På bakgrunn av utvalet si vurdering vil aktuelle søkjarar bli kalla inn til intervju og prøveundervisning. Søknadar kan ikkje sendast på e-post til enkeltpersonar ved høgskulen. 
Vi tilbyr: Gode pensjons-, forsikrings-, og låneordningar i Statens pensjonskasse
Spanande fagmiljø med moglegheiter for kompetanseheving- og utvikling
Moglegheit for trening i arbeidstida
Stillinga som førsteamenuensis/førstelektor/høgskulelektor er løna etter Statens lønsregulativ, i stillingskode 1011 førsteamanuensis/1198 førstelektor/ 1008 høgskulelektor
Frå løna blir det trekt 2 % innskot til Statens pensjonskasse.
Generell informasjon: Vi gjer merksam på at unntak frå den offentlege søkjarlista blir handsama etter reglane i Offentleglova. Søkjarar som har bede om slikt unntak, blir varsla dersom ønskje ikkje vert teke til følgje.
Den statlege arbeidsstyrken skal i størst mogelg grad spegle mangfaldet i befolkninga. Det er av den grunn eit personalpolitisk mål å oppnå ei balansert alders- og kjønnssamansetjing, og å rekruttere personar med minoritetsbakgrunn, nedsett funksjonsevne og hol i CV.
Vi tek atterhald om at stillinga si plassering i organisasjonen kan bli endra som følgje av ev. justeringar i HVL si interne organisering.
Høgskulen på Vestlandet er underlagt ekportkontrollforskriften. Forskriften kan komme til anvending i behandlingen av søknadane.
Kontaktpersonar ved Høgskulen på Vestlandet: 1) Assisterande instituttleiar for folkehelse og allmennsjukepleieJoanna GalekTlf: 57 72 25 32E-post: joanna.galek@hvl.no
3) Assisterande instituttleiar for sjukepleie FørdeBente Egge SøvdeTlf: 57 67 76 05E-post: bente.egge.sovde@hvl.no
Inkludere, utfordre og samhandle Les meir på våre heimesider.
Om arbeidsgiveren:
Høgskulen på Vestlandet (HVL) er ein av dei største høgskulane i landet, med om lag 1 900 tilsette og 17 500 studentar fordelte på fem campus i Førde, Sogndal, Bergen, Stord og Haugesund.

Vi har sterke og innovative fagmiljø innan helse- og sosialvitskap, ingeniør- og naturvitskap, økonomi, samfunnsvitskap og maritime studier, og lærarutdanning, kultur og idrett. HVL tilbyr bachelor-, master- og doktorgradsutdanningar og ulike årsstudium.

HVL er tett på arbeidslivet, regionen og studentane, og har mål om å bli eit universitet med profesjons- og arbeidslivsretta profil.

Fakultet for helse- og sosialvitskap har om lag 400 tilsette og om lag 4900 studentar. Vi har eit breitt utdanningstilbod innan helse- og sosialfaglege profesjonsutdanningar, etter- og vidareutdanningar og fleire masterprogram. Fakultetet tilbyr ph.d.-utdanninga "Helse, funksjon og deltaking". I tillegg har Fakultet for helse- og sosialvitskap delansvar for forskingsområdet: "Innovasjon i offentleg sektor" i den tverrfakultære ph. d.-utdanninga Responsible Innovation and regional Development (RESINNREG).Studentane våre får omfattande ferdigheitstrening i tillegg til praksis, mellom anna gjennom øvingar i kommunikasjon og utprøving ved eit avansert simuleringssenter, SimArena. Vi praktiserer fleksible læringsformer der studenten sjølv blir utfordra til å delta i forsking og utviklingsarbeid.
Ved institutt for helse- og omsorgsvitskap er vi om lag 200 tilsette og om lag 3000 studentar fordelte på studiestadane Førde, Bergen, Haugesund og Stord. Vi tilbyr bachelorutdanningar i sjukepleie og masterstudium i klinisk sjukepleie med sju ulike fordjupingsområde. I tillegg har vi masterstudium i jordmorfag, masterstudium i samhandling og folkehelse, masterstudium i avansert klinisk allmennsjukepleie og master i sjukepleie - kliniske spesialitetar, samt ei rekkje vidareutdanningar. Forskinga vår er retta mot å styrke kunnskapsgrunnlaget innan klinisk sjukepleie, kvalitet og innovasjon i helse- og omsorgstenester, folkehelse og livsstil samt utdanningskvalitet.

⚑ 岗位信息收录自公开招聘页（公开招聘平台），以雇主官网为准